O Servizo de Normalización Lingüística do Concello do Porriño (inserido na Concellería de Educación e Normalización Lingüística) nace co obxectivo de facer visible a lingua galega na sociedade porriñesa a través de iniciativas de normalización e dinamización lingüística, organizadas tanto pola Xunta de Galicia coma polo propio Concello.
Funcións
Concello
- Fixar criterios lingüísticos e establecer modelos de documentos administrativos.
- Asesorar lingüisticamente a Administración municipal.
- Velar polo cumprimento da lexislación lingüística por parte da institución e por que se garantan os dereitos lingüísticos da cidadanía.
- Mellorar a calidade lingüística e comunicativa da Administración.
- Planificar, coordinar e difundir cursos de lingua galega entre o cadro de persoal.
- Revisar e validar lingüisticamente os textos con maior difusión, impacto ou permanencia para garantir a calidade lingüística e o uso dunha linguaxe moderna, democrática e inclusiva.
- Elaborar e recomendar materiais específicos.
- Resolver dúbidas lingüísticas.
Cidadanía
- Fomentar o uso do galego no conxunto da sociedade.
- Planificar, xestionar e avaliar accións a prol da lingua galega na vila.
- Propoñer accións concretas que conciencien a sociedade respecto do uso e prestixio da lingua galega.
- Planificar e difundir a realización de cursos de lingua galega para a poboación en xeral.
- Difundir materiais que contribúan á tarefa de promover a extensión do uso do galego.
- Resolver dúbidas lingüísticas.
Día das Letras Galegas 2023
Francisco Fernández del Riego (1913-2010)
Normalización Lingüística 